¨¨¨°~§¦§ ديوان الامير طلال الرشيد رحمه الله §¦§~°

[ندعوك للتسجيل في المنتدى أو التعريف بنفسك لمعاينة هذه الصورة]

بسم الله الرحمن الرحيم

السلام عليكم ورحمه الله وبركاته

الشاعر القتيل هو طلال العبدالعزيز السعود الرشيد من عائلة الرشيد المعروفة في منطقة حائل شمال السعودية من عبده _ من شمر, اشتهر بلقبه "الملتاع". وكان يُعد من أبرز شعراء النبط (الشعر الشعبي) في جزيرة العرب, وله شهرة واسعة على امتداد المنطقة. وهو صاحب ومؤسس مجلة "فواصل", أول مجلات الأدب الشعبي في الخليج العربي وأكثرها انتشاراً.

والرشيد من مواليد العام 1962. حاصل على درجة البكالوريوس في العلوم الإدارية من جامعة الملك سعود, وهو متزوج ولديه ولدان نواف (16 عاماً) كان يرافق والده في رحلة الصيد, وعبدالعزيز (9 أعوام).

وفي الجزائر, أفيد أن الشاعر السعودي قُتل في منطقة جبل بوخليل في بلدية مسعد في ولاية الجلفة (300 كلم جنوب العاصمة).
رحم الله الفقيد وادخله فسيح جناته

/

\

ديوان الامير / طلال الرشيد يرحمه الله

الفكرة

جمع قصائد الامير يرحمه الله

واي واحده عندها قصيده للأمير طلال الرشيد تضيفها من خلال المشاركه

حتى تستمتع القارئه بما كتبه الامير يرحمه الله من قصائد

ارجوا من لديه مشاركه فل يشاركنا

قصيدة اللقب

[ندعوك للتسجيل في المنتدى أو التعريف بنفسك لمعاينة هذه الصورة]

يـا صغيّـر مـا يكبرنـا لقـب
وما يصغرنا إليا أنكرنا صغيـر
ما خذينا الصيت من جمع الذهب
ولا نسابة شيـخ او قربةوزيـر
كاسبينه من هل السيـف الحـدب
الجنايز كان مـا جـاك النذيـر
صيتهم نجم ٍ على رأسـه لهـب
سمعوا الصقهان به واجهر ضرير
بالوفا تاريـخ أبيـض ينتصـب
لا حكوا بالحق حييـن الضميـر
ضيغميـن للسناعيـس انتسـب
لابةٍ طلنـا بهـا عـرش كبيـر
عند حدك يا كثير الهـرج تـب
لا تمر النـار وثيابـك حريـر
كـان لـك عـز بذلـي فتعقـب
والله ألا تبطي وحبلـك قصيـر
احسبنك مـن صناديـد العـرب
واثر ساترتك عباتك يـا غريـر
ما حسب للسوس زراع القصـب
والقراده ما درى عنهـا البعيـر
ولو حسبنـا للحسايـف والتعـب
ما بذرنا يا العصافيـر الشعيـر
عن هللـك ابـراي لله واحتسـب
الرجال اللـي مجارهـم عسيـر
من قريش المصطفى وابو لهـب
والدغالب ما غشت عذب الغديـر
للرجال مـن الرجاجيـل العتـب
والزكاة تحل فـي حـال الفقيـر
لعنبـو وقـتٍ غدينابـه حطـب
تحرقـه نـار يثورهـا اجـيـر
ما ألومك والزمن سوى العجـب
هو بقى غير الكرامـه بالجفيـر
مـا أذل وراسـي يشـم المهـب
لو بقى من شمـر طفـلٍ غريـر
ما اهاب ولا يزلزلنـي غضـب
الشجاعـه ورث العاقـل غزيـر
يا صغيـر مـا يكبّـر باللقلـب
غير من هو كان من دونه صغير

عـــلـــمـــتـــنــــي

[ندعوك للتسجيل في المنتدى أو التعريف بنفسك لمعاينة هذه الصورة]

علمـتـنـي وشـلــون احـــب
علـمـنـي كـيــف انــســى
يابحر ضايع فيه .. الشـط والمرسـى
علمـتـنـي وشـلــون احـــن
علـمـنـي كـيــف اقــســى
سير علي .. بس امسح دموعي وروح
سير علي .. جب لي معك قلب وروح
سير علـي .. اذا تذكـرت الجـروح
ياطـاغـي النـظـرة .. خـطــا
تـجــزى بهالـبـخـل الـعـطـا
وانا اللي اهديتك أمن.. عيـن وجفـن
هـــذي فـــراش وذا غـطــا
يـاجـرح مــن ويــن ابـتـدي
وانــت مـعـي مــن مـولـدي
وعيت يدي .. على وداعـك تهتـدي
بــس انــت علمـنـي الـجـفـا
دامني عجزت اعلمك .. كيـف الوفـا
علمتني كيف السهر .. ونسيتني الممسى
علمـتـنـي وشـلــون احـــب
علـمـنـي كـيــف انــســى

جــــــــــــتنــــي

[ندعوك للتسجيل في المنتدى أو التعريف بنفسك لمعاينة هذه الصورة]

جتني وشافتهـا عيـون حايـرات
ذا شعاع الشمـس او هـذا سناهـا
ضاعوا اللي جوا معاها مسيـرات
واقبلت تمشي تقـل محـدٍ معاهـا
ياسنـا الفضـه وياجيـد المهـات
ياشذى نبت الخزامى فـي وطاهـا
قلت كن بوجنتـك زهـر النبـات
قالت ان الرمش يجرح لي صفاهـا
تجرح الظلمـا عيـون ناعسـات
سلهمت وأغضت تغطرس في بهاها
حققوا بالشوف فـي لـون الشفـاة
هو خذا منها الشفـق والا عطاهـا
ولو ظلام الليـل يعطينـا ثبـات
فيه من لون الشعـر والا كساهـا
كيف أباصف زين كاملة الصفـات
كيف أباصل في حروفي منتهاهـا

آخـــر الحب

[ندعوك للتسجيل في المنتدى أو التعريف بنفسك لمعاينة هذه الصورة]

كنت احسب اني عرفت الحب قبل اعرفك
وعشقت قبل اعشقك واشتقت قبل التقيـك
وكنت احسب اني لقيت احباب قبل اوصلك
واثري توهمت في غيرك وانا كنت ابيك
تعال نعطـش وتشربنـي وانـا اشربـك
تعال قبل الوعد اجلـس معـي نحتريـك
تعال شفني وانـا استنـاك كـم اشبهـك
يطري علي الف راي و راي واحتار فيك
اجي مكان الوعـد والا اسبقـه انطـرك
والا آخذ الموعد اللي يحتريـك واجيـك
يا آخر الحب ذقـت الحـب فـي اولـك
ويا اول الشوق اقصى الشوق ما ينتهيـك
علمتني كيف اعرفك لين صرت اجهلـك
ضيعتني في متاهاتـك وكنـت ارتجيـك
حبيـب الاحـلام يابعـدك ويامقـربـك
حرام يكفـي تبعثرنـي وانـا احتويـك
ان شفتك بحلم صدقتـه وانـا اتوهمـك
وان شفتك بعلـم كذبتـه اليـن انتشيـك
اخاف اغمض عيوني وان رمشت افقـدك
واخاف افتح وتصبـح حلـم ولا التقيـك

قال حاقد

[ندعوك للتسجيل في المنتدى أو التعريف بنفسك لمعاينة هذه الصورة]

قال حاقد قلـت يـا جاهـل هلـي
كيف باطرف باصبعي عيني واصيح
انت مثـل ابليـس حقـرك الولـي
لا تسـر ولا تـريـح وتستـريـح
من يصدق بي وانا الشمـس عملـي
مـا يذريهـا عجـاج جـاب ريـح
لو يطيعـك بـي غريـر يجهلـي
ما تطيعك روسهم بـي يـا كليـح
هم هلي يـا جاهـل وهـم منهلـي
لو تضيق القى بهـم كـون فسيـح
عودهم لـه طاعـة واجـب علـي
شيخنـا اللـي مـا يوفيـه المديـح
ما سفهت مـن العقـول الا الخلـي
وما حقرت مـن الكـلام الا النبيـح
الصباخـي مـا تـربـع بالـولـي
والـردي للطيـب جحـاد شحيـح
والعتـم لا بــد يــوم ينجـلـي
واسود النيـة يجـي يـوم ويطيـح
الردى بعـد السمـا عـن مدهلـي
ما تعلمـت اجـزي الطيـب بقبيـح
شمت عنك ابـي المراجـل منزلـي
وفي ضلوعي شايـب عيـا يبيـح
ما اعتلي بالشعر هـو بـي يعتلـي
دام ميزانـي بحـسـادي رجـيـح
لا تصدق في حصانـك يـا جملـي
كنت انا وما زلت وابطي لك نصيح
ما عرفت الغـي واخفيـت جهلـي
علمونـي مستبيحـيـن المـريـح
لـو تبيـن قلـت خلـوا ذاك لـي
بس دامـك كالنسـا مالـي نطيـح
قـل مـادام انـي بكذبـك مبتلـي
كل كـذب دام هـو فنيـي صحيـح
ما اخبـر مـن الذنـوب الا هلـي
ذنبي اللـي يرفـع الـراس الفليـح

كل العواذل تشابه

[ندعوك للتسجيل في المنتدى أو التعريف بنفسك لمعاينة هذه الصورة]

حبيبتـي كـل الـعـواذل تشـابـه
قلبٍ ظلام ووجه يشبـه للأصحـاب
ولامن غدى لك صاحبٍ ينحكى بـه
لا تسمعين ان كان لك قلب وأحبـاب
الى مشيت الـدرب يلهـث سرابـه
والى سكنت الـدار نادانـي البـاب
وشلون أنـام وهـم قلبـي صوابـه
والشوك ينبت بين جفنيـن وأهـداب
تعبـن أمنّـي الأسئلـة بالإجـابـه
وأنطر شروق الشمس والشمس بغياب
وتعبـت أناظـر والمعنـى عذابـه
انك بعيده والمـلا دونـك حجـاب
أجمع كـلام ومـا أعـرف الكتابـه
وعندي شعورٍ صدق والوقت كـذاب
وكل النجوم إلى أمطرت من سحابـه
حبيبتي دمعك جرح قلـب وتـراب
واللي وقف ما بيـن بابـي وبابـه
قلبه ظلام ولابسٍ ثـوب الأصحـاب

يابعد حيي

[ندعوك للتسجيل في المنتدى أو التعريف بنفسك لمعاينة هذه الصورة]

اليوم يا بنت من زيي 000 الشمس وردت على ضيـي

جيت انتخي بالوجيه البيض 000 يا عزوتي يا بعد حيي

الجادل اللي حلاها غير 000 ضيّعت في شمسهـا فيـي

بعيونها سلسبيل رماح 000 و المـوت بالسـود متهيـي

موت و انا اموت انا بالموت 000 كثيرها غرّق شويـي

لا قلت تكفين قالت جاك 000 و ان جيتها فجـأة تعيـي

و لا قلت مالي و مال الغيد 000 قالت وهم بينهم زيي !!

و ان قلت انا تبت مالي كار 000 مقفي زمانين عن غيي

قالت و هي تلتفت للناس 000 طلال موته علـى يـديي

» فلتبكي العيوون من خشية الله
» صورة الرسول صلى الله عليه وسلم
» بطـــــــــــاقة تعريف بالرسول ...صلي الله عليه وسلم
» فاكهة نهى الله عنها ومازلنا نأكلها
» موقع بكل اللغات يسرد سيرة الرسول صلى الله عليه وسلم

¨¨¨°~*§¦§ ديوان الامير طلال الرشيد رحمه الله §¦§*~°

¨¨¨°~§¦§ ديوان الامير طلال الرشيد رحمه الله §¦§~°